نحن الأردنيون
· إذا صار عنا عرس بنزمر
· وإذا نجحلنا حدا بالتوجيهي بنزمر
· قبل ما تفتح الإشارة الضوئية ( بفانية ) بنزمر
· وبعد ما تفتح الإشارة كمان بنزمر
· على الدورا .. وعلى الكوربة علنزلة وعلطلعة كله بنزمر
· إذا طول الشرطي علينا وهو موقفنا على الدوار مشان نذكره .. بنزمر
· أما إذا حدا كسر علينا !!! بالغلط أو بالقصد أكيد بنزمر
· ولو حدا ثاني قدامنا ماشي بطيء – بكزدر – كمان بنزمر
· أما اللي بتوقف سيارته قدامنا ( عطلانة ) فمش مشكلتنا بنزمر
· إذا طالعين من شارع فرعي لرئيسي - بالليل أو بالنهار – بنزمر
· سواق باص المدرسة إذا تأخر أحد التلاميذ الصبح بكيييير بزمر
· وفلان إذا جاي ياخد صاحبه بدل ما ينزل يناديه … بزمر
· إذا عجبتنا بنت بالشارع بنزمر
· وإذا شفنا أبو فلان بالشارع وحبينا نقول مرحبا … بنزمر
· لو قرر واحد منا يخفف ليمرر أحد المشاة !!! كل اللي واره بزمر
· إذا فاز حد معجبين فيه أو فيها بسوبر ستار أو ستار أكاديمي بنطلع بنزمر
· وطبعاً إذا فاز المنتخب بنزمر
· لا أظن أنها ظاهرة أليس كذلك ؟؟؟!! ولكن المفارقة هو أنه إذا إرتفعت الأسعار ( الوقود مثلاً ) وإذا إرتفعت الضرائب … إذا إنخطفوا الشبان في العراق !!! وإذا زادت رواتب الكبار وبقيت على حالها رواتب الصغار … إذا زاد معدل البطالة مع وفود الكثير من العمالة …
إذا حصل كل هذا وأكثر …
العجيييب يا إخوان إنه فجأة ( ما بطلعلنا صوت )
** نشر في الدستور الثلاثاء بتاريخ 5 تشرين الأول 2004
